الرئيسية
بوابه
الأحداث
المنشورات
أحدث الصور
دخول
التسجيل
أنا عطر شرق معتق من ازماان ..ماحد على كبر آمنياته سكبني
العطر واحد بس الاذواق شتّان .. ماكل شي لاعجبكم عجبني
أنا اتعطر بالوله بعض الاحيان .. واحيان عطري شوق قلب غلبني
اتنفسه واغمض احساس واجفان .. وابني واهد وارجع اهد وابني
اعيش وحدي كن ماحولي انسان .. ولاخلق انسان فعلا جذبني
استلطف اصحاب وحبايب وخلان .. وفي لستتي عشرين قلب طلبني
وانا طبوعي افدي فلان وفلان .. واقول يكفي طيب قلبه وهبني
لكن بكون اصدق دقايق علشان .. ماحد يظن انه بحبه سلبني
انا اجامل واعتبر حولي اخوان .. ومحظوظ قلب بالمودة كسبني
اما احبك واعترفلك و ولهان .. ماعاد تغري هالزمن روح يابني
حبيت لي مرة والى اليوم ندمان .. كبوة جواد وطهر قلبي نكبني
وارجع اكرر تجربة حب غلطان .. جربتها ماحد على ايدي ضربني
شلون تقنعني اذا منت خوان .. واذا قدرت تجيب راسي فجبني
ولاتحس انك بالابيات تنهان .. ترى شعوري ماكتبته كتبني
واظن ماترضى اراعيك احسان .. وان كان حكيي ماعجبك اجتنبني
انا غريب داخلي عدة اوطان .. وذوقي غريب وجد احسه تعبني
العطر واجد بس الاذواق شتان .. ماكل شي لاعجبكم عجبني
انا عطر شرق معتق من ازمان .. ماحد على كبر امنياته سكبني
مما راق لي
تحياتي
في حفظ الرحمن و توفيقه و رعايته
